Collaboración Euskal Herria Zuzenean-Ixuxú

ehz20urte

L’EHrZ, concursu de música pa grupos en llingües minorizaes, va tener ente los premios pa bandes internacionales venir a tocar a Asturies. Formaciones asturianes tamién podrán tocar nel Euskal Herria Zuzenean.

L’Euskal Herria Zuzenean (EHZ) ye’l festival más importante d’Iparralde (País Vascu Francés). En 2013 Ixuxú tuvo presente nel mercadín de colectivos sociales. En 2014 Skontra y La Tarrancha llevaron premios nel EHrZ -concursu musical de grupos en llingües minorizaes-; los primeros tocaron nel festival y los segundos apaecieron nuna compilación dixital. En 2015, otru pasu más: la organización del EHZ y Ixuxú roblen un alcuerdu de collaboración.

Coincidiendo col 20 aniversariu del EHZ, el festival vuelve abrir el concursu EHrZ con delles novedaes. Igual que n’anterior edición, podrán participar grupos que canten en llingües minorizaes o seyan de naciones ensin Estáu. Repetiránse los premios de tocar nel EHZ los díes 3, 4 y 5 de xunetu y d’apaecer na compilación dixital. Amás, esti añu dalgunos grupos van tocar n’eventos d’otros países gracies a la collaboración d’esti festival con otros axentes culturales.

L’alcuerdu ente Ixuxú Asturies-Euskal Herria Elkartea –asociación d’asturianos emigraos al País Vascu que fai de ponte sociocultural ente los dos pueblos- cola organización del EHZ ta enmarcáu dientro d’esti nuevu premiu. Ún de los grupos vascos escoyíos pol xuráu y por votación popular tocará n’Asturies na primavera de 2015 nuna actividá densendolcada ente les dos entidaes.

Participación d’Asturies
Los grupos asturianos que cumplan los requisitos –cantar n’asturianu, compartir los valores del festival, ser autoproducíos y tocar cantares propios- pueden apuntase enantes del 28 de febreru na web del festival. El 1 de marzu entamen les votaciones del públicu y ente marzu y primeros d’abril s’escoyerán les bandes pal recopilatoriu, pa tocar nel EHZ y p’actuar en conciertos d’otros países colos que’l festival algame alcuerdos.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s