EMAROCK. Iragana, oraina eta geroa

emarock600

Esti vienres 7 a les 20.00 n’El Judá de La Pola Siero va proyectase (dientro del aniversariu d’Ixuxú) ‘Emarock. Iragana, oraina eta geroa’, (Emarock. Pasáu, presente y futuru) un documental sobre la muyer nel rock vasco.

Pensái per un momentu nel panorama musical: ¿Cuántos grupos tienen componentes masculinos? ¿Y cuántos componentes femeninos? ¿Cuántes moces toquen en grupos o en solitario? Y d’éstes, ¿Cuántes toquen la batería? ¿Por qué hai tantes moces nes escueles de música y llueu tan poques nos escenarios?

Este ye la reflexón de la que naz el proyectu d’EMAROCK. L’enfotu: analizar les causes poles qu’hai tan poques muyeres nel mundu de la música -concretamente, nel rock fecho nel País Vascu-, y da-y puxu, visibilidá y normalidá a la música fecha por muyeres. D’esta mena, EMAROCK ye un proyectu con delles estayes.

EMAROCK ye una esposición. Al traviés del bayurosu archivu fotográficu de les responsables del proyectu, ponse cara, instrumentu y nome a dalgunes de les protagonistes del rock vasco.

EMAROCK ye un documental. Conversaciones con distintes músiques afonden nes causes de la escasa cantidá de moces na música del País Vascu, cuáles son les dificultaes, cómo evolucionó la escena o l’efectu de la “aspectocracia” y la maternidá, ente otres.

EMAROCK ye un programa de radio. Dende la radio llibre bilbaína Irola Irratia, bandes con moces al frente son entrevistaes, toquen en directo, falen del so llabor…

EMAROCK tamién ye un cantar. Garazi Zabaleta pon música y lletra. Ines Osinaga (Gose), Aiora Renteria (Zea Mays), Zaloa Urain (Kokein) y Naroa Gaintza (Amaiur), dan voz a la versión eléctrica. La versión íntima suena col tecláu y voz de Maria Amolategi (Sugan). Tamién ta la versión ‘zuzeu’ (tú mesma), p’afalar a toles persones a qu’elles mesmes seyan protagonistes, cantando sobre la pista del karaoke.

A la fin, EMAROCK ye un proyectu abiertu pa reconocer, dignificar y espardir el llabor de la muyer na música.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s